Praktisk informasjon

Kunstkontaineren er ein kjølekontainer gjort om til kunstgalleri. Den er utstyrt med overvåkningskamera og smartlås. Målet med prosjektet er å senke terskelen for å oppleve kunst.

På denne sida vil du som kunstnar/utstillar finne nyttig og relevant informasjon om Kunstkontaineren.

Kunstkontaineren er plassera på Sætrvegen 255, Bø i Telemark, med enkel tilkomst og god parkering på jordet. Dette er eit hyppig bruka turområde tett på ein skog i landlige omgjevnader.
Kontaineren står ikkje for forsikring, men du står fritt til å skrive eiga forsikring. Kontaineren er kameraovervåka innvendig med bevegelsessensor og viser tydeleg døra, og porten, som er einaste moglegheiter å kome seg inn og ut. Eventuelt tjuveri og hærverk vil bli anmeldt til politiet med ein gong.
Alle arbeid blir lagt ut i nettbutikken slik at publikum enkelt kan kjøpe kunsten. Dei får det sjølvsagt ikkje med seg før utstillinga er slutt. Ved utstillingsslutt fakturerar kunstnar(ar) kontaineren det totale salet minus provisjon. som er på 25%.
Veggane er magnetiske og tålar maksvekt ?kg. Dei er ubehandla og industrielle, og på langveggen er det 5 felt det er naturleg å forholde seg til under oppheng. Sjå planteikning lenger ned på sida.
I rommet, usynleg for publikum, står ein avfuktar som automatisk skrur seg på ved behov. Det er og ein panelovn som sikrar stabil temperatur.
Kurator arbeider digitalt med å lage ei planskisse for utstillinga og korleis den skal henges opp. Overlevering av kunsten avtales nærare. Og montering blir gjort, etter planskisse, av kurator.

Trykk på kvart bilete for å forstørre det. Alle kvite felt er mogleg å henge ting på vegg.

Kva kunstkontaineren tilbyr:

eit unikt utstillingsrom
ei ny gruppe publikum
marknadsføring digitalt, plakat, presse osv.

Du må sende inn:

kunstnarbio
sjølvportrett
verksliste

Om verksliste

Skal arbeida være til sal, må du levere verksliste. Den blir bruka for å legge arbeida i nettbutikken med all informasjon, både så publikum kan kjøpe, og for å vise informasjon og formidle kunsten.

Desse punkta må med:

Tittel: om arbeidet ikkje har tittel, finn ei passande beskriving av arbeidet.
Pris: dette skal være den totale prisen kunden betalar. Du er sjølv ansvarleg for å ha med eventuell kunstavgift/moms.
Beskrivelse: dette blir produktbeskrivinga, så ha med mål, og om du ynskjer, teknikk, tankar bak osv.